سبعة شروط للزواج من نرمين الفقي .. تعرف عليها

وضعت الفنانة المصرية نرمين الفقي سبعة شروط، للموافقة على زوجها المستقبلي، حيث أعلنت مواصفات شريك أحلامها قائلة: "يكون متعلم ومثقف وابن اصول وأهله مربينه صح ومتدين مش مجرد كلمة علشان يقدر يحافظ عليا ومش متدلع ولا سليط اللسان".

وكشفت الفقي سر عدم زواجها حتى الآن، وقالت خلال لقائها مع رؤيا مصر، "أنا عمري في حياتي ما قفلت باب الزواج ولكني لم أجد الشخص المناسب".

وأضافت: "أكيد كل بنت أو ست عندها نقطة الأمومة والأنوثة الطبيعية بس فعلا لما يجي ابن الحلال اللي فعلا يقدر يخليها تقدم على الجواز وأنا لا أتفق مع مقولة الرجل يطفي الست".

وأشارت إلى أن الراجل الصح مع الست الصح بيحليها وبيصغرها وبيخلي نفسيتها مرتاحة، لإن من الصعب الست تعيش ست وراجل في نفس الوقت، وأنا للأسف بعيش ست وراجل بعمل كل حاجة وبدخل في كل حاجة.

وردت نرمين الفقي، على سؤال هل تتلقى عروض للزواج ؟، وقالت: "بيجي عرسان وكله رزق أولا وأخيرا وهيجي هيجي بإذن الله".

وفي حوار سابق تحدثت "الفقي"، عن سبب فشل خطوبتها من سفير طلبها للزواج قائلة: «أول مرة جه هو والدته يتقدموا في بيتي اللي في القاهرة، قالت لي أنا مكونتش متصورة إن نرمين الفقي ساكنة في شقة صغيرة بالشكل ده".

وأضافت:"والدتي قالت لها إنها شقة والدتها.. ردت عليها قائلة: "طيب وانتوا بتعملوا إيه بالفلوس اللي معاكوا، مش تعملي لنفسك فيلا كبيرة، أنا قلت هدخل ألاقي بيت محصلش".

وتابعت:"ابنها كان إنسان كويس، وكنت مبسوطة من علاقتي بيه لأنه كان إنسان لطيف، لكن مشكلته إنه ضعيف الشخصية، موضحة : بعدها عملت ليها عزومة، ومكنتش لحقت أغير هدومي بعد الطبخ، وأنا بسلم عليها قالت لي: إيه ده انت هتطلعي بريحة البصل دي".

وأضافت: بعدين عزمتهم في فيلاتنا في الإسكندرية، وقلت لها ده بيتنا اللي كنتي عايزة تشوفيه، وكتر خير جدتي إنها ادتني شقتها عشان أعيش فيها في القاهرة، وعادي جدًا إني أعيش فيها، وبعدين بلغتها إني مش موافقة.

في سياق مختلف، وجهت الفنانة نرمين الفقي، رسالة دعم لزميلتها الفنانة حلا شيحة، بعد الجدل المثار عن رفض وقبول البعض عودتها للتمثيل والوسط الفني

قالت نرمين الفقي خلال لقاءها مع «رؤيا مصر»: «أنا عن نفسي بحب حلا جدًا، ترجع تمثل أو تعتزل وتقعد في البيت وتتحجب هي حرة وبحبها لأنها على الصعيد الإنساني إنسانة لطيفة وحبوبة وجميلة ومتصالحة مع نفسه.

وأشادت أيضا خلال اللقاء بحكمة الفنان أشرف زكي نقيب المهن التمثيلية في قراره بخصوص حلا شيحة وقالت: «دكتور أشرف دة فوق راسي من فوق لأنه رجل بمعنى الكلمة في المكان المناسب وأدعم قراره بالاستماع لها مجد

وتابعت نرمين الفقي:"الفن دة موهبة من عند ربنا سبحانه وتعالى، مش من حق حد يمنعها أو يخمدها دة قرارها ودي حياتها وتعمل اللي هي عاوزاه طالما معملتش حاجة مخلة بالشرف أو بالأمانة".

أخر أعمال الفنانة نرمين الفقي، هو مسلسل “أبو العروسة” الجزء الثالث، بطولة الفنان سيد رجب، سوسن بدر، مدحت صالح، خالد كمال، محمد عادل، ولاء الشريف، محمود حجازي، كارولين عزمي، أحمد صيام، صفاء الطوخي، رانيا فريد شوقي، محمد حاتم، ومن تأليف وإخراج هاني كمال.